Մեր մասին

Միջազգային գործունեություն (ICE-ASI)

Հայկական Զգայական Ինտեգրման Ինստիտուտը հանդիսանում է Ayres Sensory Integration® ոլորտում կրթության միջազգային խորհրդի՝ International Council for Education in Ayres Sensory Integration® (ICE-ASI) լիիրավ անդամ։ ICE-ASI-ն միջազգային կառույց է, որը սահմանում է կրթության, սերտիֆիկացման և մասնագիտական պատրաստման չափանիշները Այրեսի զգայական ինտեգրման ոլորտում։

ICE-ASI-ն միավորում է ազգային և տարածաշրջանային կազմակերպություններ ամբողջ աշխարհից և առանցքային դեր է կատարում դոկտոր Ջին Այրեսի գիտական և մասնագիտական ժառանգության պահպանման ու զարգացման, ինչպես նաև զգայական ինտեգրման ոլորտում ուսուցման և պրակտիկայի որակի ապահովման գործում։

Կարևոր է նշել, որ յուրաքանչյուր երկիր ICE-ASI խորհրդում կարող է ներկայացված լինել միայն մեկ կազմակերպության կողմից։ Հայկական Զգայական Ինտեգրման Ինստիտուտի անդամակցությունը ICE-ASI-ին հաստատում է նրա կարգավիճակը՝ որպես Հայաստանի պաշտոնական ներկայացուցիչ զգայական ինտեգրման միջազգային մասնագիտական համայնքում։

Այս անդամակցությունը Ինստիտուտին հնարավորություն է տալիս մասնակցելու միջազգային կրթական չափանիշների ձևավորմանը, զարգացնելու ակրեդիտացված ուսուցման ծրագրեր և պահպանելու ու ընդլայնելու մասնագիտական կապերը տարբեր երկրների կազմակերպությունների և մասնագետների հետ։